З павагай, гурт IQ48!

Следующие концерты состоятся:
20.06 — Тилбург, Голландия. Фестиваль Mundial
25.06 — Москва, Россия. Клуб IKRA
26.06 — Москва, Россия. Клуб IKRA
27.06 — Санкт-Петербург, Россия. Фестиваль “Окна открой”
03.07 — Градец-Кралове, Чехия. Фестиваль Rock 4 People
11 июля – Тверская область, Большое Завидово. Фестиваль “Нашествие”
17 июля – Городок, Польша. Фестиваль “Басовішча”
24 июля – Караганда, Казахстан. Фестиваль “Музыкар”
07 августа – Ярославская область, аэропорт “Левцово”. Фестиваль “Доброфест”
13 августа – Будапешт, Венгрия. Фестиваль Sziget
15 августа – Тамань, Россия. Фестиваль Kubana
28 августа – Миасс, Россия. Фестиваль “Торнадо”
05 ноября – Хельсинки, Финляндия. Korjaamo

На дыску будзе 12 песень, напісаных на вершы розных класікаў XIX-XX стагоддзяў: ад Яна Чачота, Адама Міцкевіча, Францішка Багушэвіча праз Максіма Багдановіча, Янку Купалу, Якуба Коласа да Максіма Танка, Пімена Панчанкі і Рыгора Барадуліна.

“Ідэя альбому нарадзілася гадоў сем таму, – распавядае Лявон Вольскі. – Неяк амаль выпадкова мне патрапіў у рукі зборнік вершаў Багушэвіча. Я пачытаў і зразумеў – гэта ж сапраўдны гангста-рэп! І вось тады быў зроблены першы дэма-запіс песні на яго верш “Немец”. Але потым неяк усё часу не было зрабіць гэты праект”.

Час знайшоўся ў 2009 годзе, калі N.R.M. і “Крамбамбуля” разыйшліся на творчыя вакацыі. У межах альбому “Белая яблыня грому” вершы патрапілі ў рознабаковы музычны кантэкст – ад року і блюзу да рэпу і хэві-мэталу. Лявон Вольскі спадзяецца, што гэты праект дапаможа сучаснай публіцы наноў адкрыць для сябе творы ўсім вядомых паэтаў.

“Нажаль, школьная адукацыя часцей за ўсё адбівае цікавасць да літаратуры і паэзіі. Нават у мяне так было, нягледзячы на тое, што я паходжу з сям’і пісьменнікаў і з дзяцінства літаратура мне падабалася, – прызнаецца ён. – А насамрэч класічная беларуская паэзія дагэтуль актуальная, таленавітая, якасная і анічым не горшая за ангельскую, французскую ці рускую”.

23 сакавіка ў Тэатры імя Я. Купалы Лявон Вольскі з прэзентацыяй альбому “Белая яблыня грому”. Пачатак – 19.00. Квіткі: ад 10 да 80 тыс. Даведка і замова квіткоў: Velcom 655 55 96, МТС 655 55 96, гарадскі 280 15 10, а таксама праз сайт www.soundline.by.

Паведамляе tut.by

Дзве розныя кабарэ-культуры – француская і нямецкая –  ўпершыню на адной сцэне!

Два яркіх света ў адным прадстаўленні! Спяшайцеся, квіткоў засталося мала!

Музычныя экспэрты вызначылі лепшыя альбомы году. Узнагароджаньне пераможцаў музычнай прэміі праекту Experty.by прайшло  ў страўні «Камяніца». Нешматслоўныя The Toobes зьвезьлі з закрытай прэзэнтацыі 4 узнагароды за лепшы альбом 2009 году.

Традыцыйна ў вызначэньні лепшых альбомаў па вэрсіі праекту Experty.by ўзялі сталыя аўтары сайту: музычныя крытыкі Зьміцер Падбярэскі, Алег Клімаў, Сяргей Будкін і Зьміцер Безкаравайны. Таксама да праекту далучаныя яшчэ 8 прадстаўнікоў розных беларускіх СМІ, якія разам з «штатнымі» экспэртамі склалі «Вялікае журы» і таксама вызначылі сваіх пераможцаў. Як і летась асобна былі адзначаныя лепшыя альбомы па вэрсіі «Журы замежных экспэртаў».

Сёлета Experty.by увялі новую намінацыю — «Прыз народных экспэртаў», пераможцы ў якой вызначаюцца шлягам інтэрнэт-галасаваньня зарэгістраваных карыстальнікаў сайту. Таксама леташняя намінацыя «Лепшы фольк-альбом» сёлета замененая на «Лепшы беларускамоўны альбом», бо, як патлумачылі заснавальнікі прэміі, «у гэтым годзе амаль ня было фолькавых альбомаў, таму, на жаль, фольк-узнагароду адклалі да лепшых часоў».

The Toobes быў зусім нешматслоўны і амаль не камэнтаваў свае ўзнагароды, але па выніку на траіх хлопцы атрымалі ажно чатыры перамогі за альбом «Hello»: як лепшы альбом паводле экспэртаў, паводле вялікага журы, як лепшы дэбютны альбом і лепшы рок-альбом.

Па пятох за The Toobes ішлі магілёўскія «Глюкі» — гурт, які ўжо не існуе, але музыкі з гурта цяпер стварылі новы праект «Akute». Альбом «Глюкаў» «Ідыятызм» атрымаў перамогу ў намінацыі «Лепшы беларускамоўны альбом». У ТОП-10 музычных і народных экспэртаў гурт атрымаў 2-е месца.

Узнагароды 2009 году раздадзеныя, а Experty.by ужо гатовыя да музычных адкрыцьцяў году гэтага. Фармат прэміі мяняць таксама пакуль не плянуюць, бо як і летась Зьміцер Безкаравайны адзначае, што «задача гэтых узнагародаў — вылучыць найлепшыя альбомы і зрабіць так, каб пра гэта напісала прэса».

Пераможцы ў намінацыях:

Лепшы дэбютны альбом — The Toobes «Hello»

Лепшы поп-альбом — Atlantika «Taboo»

Лепшы рок-альбом — The Toobes «Hello»

Лепшы рэкард-лэйбл — «West Records»

Лепшы беларускамоўны альбом — «Глюкі» «Ідыятызм»

Прыз народных экспэртаў — CherryVata «ViaVanilla»

Прыз замежных экспэртаў — Port Mone «Dip»

Прыз вялікага журы — The Toobes «Hello»

Лепшы альбом — The Toobes «Hello»

Рэрартаж з generation.by

«Адзін кватэрнік» прайшоў у выглядзе імправізаванай рэпэтыцыі, творчага экспэрымэнту зь сяброўскім «паказам талентаў з хорам менскай публікі», запісамі новых варыяцыяў песень і запальваючымі танцамі.

Хацелася прыбраць усе крэслы з залі, і ўтульна разьмясьціцца наўпрост на падлозе, слухаючы і падпяваючы вядомыя песьні Віталя, пазнаваць няхай і не па першых нотах песьні ў новай аўтарскай апрацоўцы, пляскаць у рытм да горычы ў далонях.

Камэрнае сьвятло, вясёлы відэашэраг на экране і шчырая мітусьня Віталіка на сцэне паміж музычнымі інструмантамі. У першай частцы кватэрніку Віталь заўважна хваляваўся, «голас дрыжэў як у Барыса Грэбеншчыкова».

Але гэта таксама надавала свой настрой вечарыне — усё было па-добрамушчыра і бадзёра, зь вясёлымі камэнтарамі і зацікаўленымі падглядкамі з-за сцэны іншых удзельнікаў каманды вечару як быццам на першым паказе новай тэатральнай пастаноўкі. Першым падтрымаць сябра выйшаў былы гітарыст «Безь Білета» Сяргей Бакавец.

Вечар не нагадваў звычайны канцэрт з акустычнымі песьнямі пад гітару, гэта быў хутчэй сяброўскі кватэрнік з гульнёй «я ніколі не рабіў гэтага». У залю сыпанулі папяровыя самалёцікі, а на сцэну далучыўся «сябра і партнэр» Віталя кліпмэйкерМацей Сабураў. Пару хвілінаў на наладку, запіс фону на толькі што «прыехаўшым» з Бэрліну лупэры — і адна з шыкоўнейшых прэзэнтацыяў вечару гатовая — песьня «Шла дальше» ў выкананьні Мацея.

А далей ужо цяжка было разабраць, дзе сцэна, а дзе заля з публікай. Віталь дастаў дыктафон і прапанаваў усім прысутным «застацца на старонках гісторыі песьні «Мая краіна — Беларусь», якую «безьбілетнікі» зараз рыхтуюць у новай апрацоўцы. «Хор менскай публікі» заўзята засьпяваў вядомы прысьпеў — запіс зроблены, кватэрнік працягваецца!

Сольнік Віталя Артыста можна сьмела назваць удалым творчым экспэрымэнтам — напрыканцы падавалася, што гэты вечар — супольны экспэрымэнт усіх разам узятых: і Віталя, і ягонай творчай каманды, і ўсёй публікі, і маленькай дзяўчынкі, якая дзёрзка цягала нашага фатографа за бараду:) Хочацца яшчэ раз зайсьці ў госьці!

Рэрартаж з generation.by

1. Бліжэйшы канцэрт гурту

“23 лютага ў клюбе Jolly Roger Cafe адбудзецца наш канцэрт пад назвай “Свята герояў”. У гэты вечар граць мы будзем доўга, чаго не рабілі ў Менску ўжо вельмі даўно. Не выключаем,  што і нешта з новага матэрыялу прэзэнтуем для нашае групіроўцы”.

2. Інтэрв’ю ў этэры Netradio.by

Нядаўна хадзілі ў госьці да Тамары Лісіцкай на Netradio.by у праграму “ИМХО”.  Паслухаць вынік  можна ўжо зараз, запампаваўшы яго на сайце

http://www.netradio.by/2009-12-03-08-18-37/1091-21-01.html

3. Удзел у складанцы “BY #2 Альтэрнатыва”

Нашая песня “Абрыдлі party, абрыдлі п’янкі!” бярэ ўдзел у адборы на складанку “BY #2 Альтэрнатыва”, якую ладзіць  сайт “Мінскі андэграўнд” www.underofminsk.biz. Складанка будзе распаўсюджвацца бясплатна, гэта зараз руліць, гэта правільна.  Падтрымлівайце, нам будзе прыемна!

4. Хіт-парад на 8 канале

Кліп IQ48 — “Сьвятло ў цемры” патрапіў ў ратацыю 8-га каналу. Зараз твор імкнецца да вершыні хіт-параду. Таксама Вы маеце магчымасць убачыць зварот “Ласей” да беларускіх алімпійцаў у штодзённіку “Ванкувер. Алімпіяда – 2010” на гэтым жа канале. Мы жадаем ім перамогаў і спадзяемся, што нашыя хлопцы і дзяўчаты возьмуць максімум мэдаляў”.

5. Вясеннія сакрэты

На вясну заплянавалі адну проста неверагодную і грандыёзную акцыю, але пакуль гэта сакрэт.  У хуткім часе мы расчынім карты! Пацярпіце, сябры!

Да сустрэчы на канцэрце 23 лютага, будзе зэ бэст, прыходзіцце – патанчым разам!

Эльжбэта Хмель

Праз кароткi перапынак на сцэне з’явіўся N.R.M. i больш двух гадзiн выконваў свае лепшыя песнi, чым безумоўна парадаваў натоўп  фанатаў, якiя запоўнiлі танцпляц так, што яблыку было недзе ўпасць.  У першыню тут можна было пачуць новую песню гурта “Палітыка-паралітыка” у канцэртным выкананні, рэліз якой адбыўся прыкладна тыздень таму. Яе можна паслухаць на нашым сайце. Гэта быў сапраўды клюбны канцэрт поўны адрэналіну, пакінуўшы шмат станоўчых эмоцый, і жаданне дачакацца наступнага выступлення “Каралей айчыннага року”.

Фотарэпартаж з канцэрту тут

Першымі навінку – песню “Палітыка-паралітыка” – у канцэртным выкананні пачуюць наведнікі чаканага ў Беларусі больш чым год электрычнага канцэрту гурта.

palityka-paralityka.mp3

Новы твор N.R.M – адказ на сённяшнія рэаліі, у якіх палітыка настолькі шчыльна пераплялася з жыцьцём, што пачала яго паралізоўваць.

“У нас усё – палітыка: літаратура – палітыка, музыка – палітыка, эканоміка – палітыка, журналістыка – яшчэ якая палітыка!”, – кажа Лявон Вольскі, фронтмэн гурта N.R.M

Менавіта гэтая беларуская асаблівасць падштурхнула гурт вярнуцца жанрава ў вірлівыя 90-я, калі, паводле Лявона Вольскага, песні кшталту “Палітыкі-паралітыкі” называлі пагардліва “песнямі-аднадзёнкамі”.

“Тады асабліва папулярна было казаць, што музычны твор ня мусіць замяняць газетны артыкул, – узгадвае лідар N.R.M. – Таму я кваліфікую “Палітыку-паралітыку” паводле жанру – “песня-аднадзёнка”. А колькі дзён (месяцаў, гадоў?) ужо яна будзе актуальная ў спецыфічнай беларускай рэальнасці, паглядзім”.

Пакуль жа музыкі з задавальненнем прэзентуюць свой новы твор усім карыстальнікам беларускага парталу TUT.BY: “Пампуйце на здароўе і прыходзьце на канцэрт у “Рэактар” 10 лютага!”